Sigurður Jónsson verður næsti þjálfari Enköping

Sigurður Jónsson verður þjálfari sænska C-deildarliðsins Enköping samkvæmt frétt á Aftonbladet. Sigurður tekur við starfinu af Jesper Blomqvist. Sigurður hefur ekki þjálfað síðan hann var rekinn frá Djurgården fyrir rétt rúmu ári síðan.

Sigurður hefur gert þriggja ára samning við sænska liðið. Sigurður hefur störf hjá sænska félaginu 1. janúar næstkomandi.

Sigurður tekið við af hinum 35 ára gamla Jesper Blomqvist sem er fyrrum leikmaður Manchester United og landsliðsmaður Svía. Blomqvist var rekinn frá Enköping í haust en hann var spilandi þjálfari hjá liðinu.

Enköping féll þá úr 1. deildinni eftir að hafa aðeins unnið 6 af 26 leikjum sínum og fengið á sig 55 mörk í þeim.