Magnús: Erum að berjast fyrir lífi okkar

„Það er eins og við dettum niður á hælanna og okkar sterkustu póstar ná sér ekki á strik. Það vantaði hraðaupphlaupin og markvörsluna en vörnin var að halda ágætlega á köflum," sagði Magnús Stefánsson, leikmaður Fram, eftir tap gegn Val í dag.

Magnús var eðlilega ekki sáttur við gengi liðsins.

„Menn eru að berjast eins og ljón og við erum að berjast fyrir lífi okkar í þessari deild. Það eru allir að gera sitt besta, held að það sé óhætt að segja það. Svo er bara spurning hvernig dagsformið er á mönnum og hvernig þetta kemur út á vellinum," sagði Magnús.