Innlent

Tíðir fundir fjárlaganefndar vegna Icesave

Magnús Már Guðmundsson skrifar
Frá fundi fjárlaganefndar á mánudag.
Frá fundi fjárlaganefndar á mánudag.
Fjárlaganefnd kemur saman að minnsta kosti þrisvar sinnum í dag vegna Icesave málsins. Fyrsta fundinum er lokið en nefndin kemur næst saman klukkan 11.

Árni Þór Sigurðsson, einn af fulltrúum VG í fjárlaganefnd, segir að góður gangur sé í vinnu nefndarinnar. Hann vill ekki segja til um hvort að þokast hafi í átt til sáttar innan stjórnarliðsins í málinu eins og haldið er fram í Fréttablaðinu í dag.

Lee Buchheit, bandarískur sérfræðingur í efnahagsmálum, kemur á fund nefndarinnar klukkan 11. „Nei, það held ég ekki. Ég tel okkur vera komin frekar langt með þessa vinnu,“ segir Árni Þór aðspurður hvort að fleiri sérfræðingar verði kallaðir á fund nefndarinnar vegna Icesave málsins.

Ráðgert er að fjárlaganefnd komi saman í þriðja sinn í dag klukkan 18.




Tengdar fréttir

Þokast í átt til sáttar innan stjórnarliðsins

Ögmundur Jónasson heilbrigðisráðherra hefur góða von um að viðunandi lausn finnist á Icesave-málinu og að það hljóti samþykki. „Ég er vongóður um að við náum sameiginlegri lausn ef menn sýna allir góðan samstarfsvilja,“ sagði hann í samtali við Fréttablaðið í gærkvöldi. Kvaðst hann hafa af því spurnir að innan fjárlaganefndar væru menn á réttri leið, að hans mati.

Mest lesið


Fleiri fréttir

Sjá meira


×

Mest lesið