HM: Brasilíumenn misstu af tækifærinu

Brasilía varð af sjaldgæfu tækifæri til að láta til sín taka á stórmóti í handknattleik er liðið tapaði fyrir Egyptalandi á HM í Króatíu, 25-22.

Brasilíumenn eiga nú engan möguleika á að komast áfram í milliriðlakeppnina þar sem að Serbar unnu sigur á Sádí-Arabíu fyrr í dag, 38-29.

Lokaleikur D-riðils fer fram síðar í kvöld en þar eigast við Danir og Norðmenn. Þar sem að Noregur tapaði fyrir Serbum í gær er ljóst að ef Norðmenn ætla sér að fara með einhver stig í millriðlakeppnina verða þau að koma úr leik kvöldsins. Það er því mikið undir í leiknum en Danir eru með fullt hús stiga fyrir leikinn.