Innbrotaalda í Reykjavík um helgina

Á fimmta tug innbrota og þjófnaða hafa verið kærðir til lögreglunnar á höfuðborgarsvæðinu um helgina, sem er talsvert meira en undanfarnar verslunarmannahelgar. Meðal annars var brotist inn í fyrirtæki, íbúðarhúsnæði, sumarhús og bíla.

Ekki liggur fyrir hversu miklum verðmætum var stolið né hversu miklu tjóni þjófar ullu við að brjótast inn, en lögregla var fáliðaðri á höfuðborgarsvæðinu en verið hefur um verslunarmannahelgar undanfarin ár, vegna fjárskorts hjá löggæslunni.

Einhverjir voru handteknir vegan gruns um aðild að sumum innbortanna, en samantekt liggur ekki fyrir, enda var mikill erill hjá lögreglunni alla helgina.