Sjö gjaldþrotamál á Akureyri

Sjö gjaldþrotamál eru tekin fyrir í Héraðsdómi Norðurlands eystra í dag. Flest fyrirtækjanna sem krafist er gjaldþrots vegna eru tengd byggingariðnaði. Þá er eitt fyrirtæki sem heldur úti smábátaútgerð á Akureyri sem krafist er gjaldþrots yfir.

Í þremur málunum sækja lífeyrissjóðirnir Stapi og Stafir gjaldþrotamálin. Í hinum er það sýslumaðurinn á Akureyri.

Nokkur hundruð fyrirtækja hafa lýst yfir gjaldþroti á þessu ári en að mestu er um einkahlutafélög í ýmsum rekstri að ræða. Gjaldþrotaúrskurðum hefur fjölgað gríðarlega eftir bankahrun.