Efnahagsbrotadeild Breta býður sérstökum saksóknara aðstoð

Efnahagsbrotadeild breska ríkisins hefur boðið Ólafi Þór Haukssyni, sérstökum saksóknara bankahrunsins, aðstoð sína við rannsókn þess. Þetta kom fram á vef Lundúnablaðsins Telegraph í gærkvöldi. Blaðið segir að sú ákvörðun tengist því að íslensk rannsóknaryfirvölkd hafi beint sjónum sínum að viðskiptum Kaupþing við breska fjárfesta á borð við Kevin Stanford og Gertner bræðurna vegna gruns um sýndarviðskipti með bréf í bankanum.

Samkvæmt heimildum blaðsins munu fulltrúar bresku efnahagsbrotadeildarinnar einnig hafa haft samband við Evu Joly, ráðgjafa sérstaks saksóknara í bankahruninu, og óskað eftir fundi með henni. Telegraph greindi frá því fyrr í vikunni að breska efnahagsbrotastofnunin hefði hert rannsókn sína á íslensku bönkunum, sér í lagi á Kaupþingi, eftir að upplýsingum um lán bankans var lekið á netið.