Áframhaldandi gæsluvarðhald í dularfulla fíkniefnamálinu

Karl á þrítugsaldri, Gunnar Viðar Árnason, hefur verið úrskurðaður í áframhaldandi gæsluvarðhald til 17. júlí að kröfu lögreglunnar á höfuðborgarsvæðinu og er það gert á grundvelli rannsóknarhagsmuna.

Hann er grunaður um aðild að innflutningi fíkniefna og peningaþvætti en málið teygir anga sína til Hollands. Tveir aðrir karlar, Ársæll Snorrason og Sigurður Hilmar Ólason, sátu í gæsluvarðhaldi í tengslum við rannsókn lögreglu á sama máli.

Ársæll hefur nú hafið afplánun vegna annarra mála en Sigurður er laus úr haldi.

Lögmaður Sigurðar gagnrýndi dómstóla fyrir að taka undir kröfu lögreglunnar um lenginu gæsluvarðhalds yfir Sigurði en að sögn Brynjars eru sakarefni óljós og meðal annars hvílir enn gríðarleg leynd yfir því hversu mikið magn af fíkniefnum um ræðir eða hve mikið fjármagn á að hafa farið um hendur Sigurðar og þá hvernig.