Björgvin hetja Kadetten sem lagði Lemgo

Björgvin Páll Gústavsson, landsliðsmarkmaður, var í essinu sínu í kvöld þegar Kadetten lagði Lemgo í forkeppni Meistaradeildar Evrópu. Björgvin varði gjörsamlega stórkostlega í markinu en sigurinn var tæpur, 29-30 fyrir svissneska liðinu

Björgvin varði alls 22 skot, mörg hver úr dauðafærum og á mikilvægum augnablikum.

Í riðlinum leika auk Lemgo og Kadetten, Ademar Leon frá Spáni og Celja frá Slóveníu. Aðeins eitt lið kemst áfram upp úr riðlinum.

Logi Geirsson lék ekki með Lemgo vegna meiðsla en Vignir Svavarsson skoraði ekki fyrir liðið í kvöld.