Búið að handtaka íslensku konuna í Bandaríkjunum

Linda Björk Magnúsdóttir, konan sem lögreglan í Bandaríkjunum leitaði í nótt, náðist í morgun og er nú í haldi lögreglunnar í Clinton sýslu. Konan slapp úr varðhaldi lögreglu á meðan hún beið þess að vera leidd fyrir dómara.

Konan var handtekin í Bandaríkjunum fyrir að vera ólöglegur innflytjandi en hún var að koma yfir landamærin frá Kanada þegar hún var stöðvuð. Staðarblaðið í Plattsburgh segir að svo virðist vera sem konan hafi beðið um að fara á salernið og látið sig hverfa þaðan.