Fyrirvarar ræddir í þingflokkum

Viðbúið er að stjórnvöld taki upp viðræður við Hollendinga og Breta um leið og Alþingi hefur afgreitt fyrirvara við ríkisábyrgð á Icesave reikningum Landsbankans. Þetta segir fulltrúi Vinstri-grænna í fjárlaganefnd.

Guðbjartur Hannesson, samfylkingarþingmaður og formaður fjárlaganefndar Alþingis, telur að nefndin hafi tvo til þrjá daga til að ljúka Icesave málinu. Nefndin kom saman í morgun en lauk fundi án niðurstöðu.

Rætt er um ýmsa fyrirvara við ríkisábyrgð á Icesave reikningum Landsbankans, og hefur Seðlabankanum verið falið að meta efnahagsleg áhrif fyrirvara; til að mynda um að greiðslur af Icesave verði eingöngu af hagvexti, en ekki tiltekið hlutfall Landsframleiðslu.

Þingflokkar fengu málið í sínar hendur, og velta menn fyrir sér hvaða fyrirvara megi gera.

Þór Saari, þingmaður Borgarahreyfingarinnar, segir suma óttast að Bretar og Hollendingar eigi eftir að hafna samkomulagi:

Aðrir stjórnarandstæðingar virðast helst vilja semja upp á nýtt.

Árni Þór Sigurðsson, vinstri grænum, telur að hvernig sem fer, verði stjórnvöld að taka upp viðræður við Hollendinga og Breta.