„Nú þurfum við virkilega að sýna samstöðu og nýta öll okkar tengsl við útlenda kunningja og samstarfsaðila til þess að vekja athygli á málstað íslendinga," segir Ólafur Elíasson, einn forsprakka Indefence hópsins en þeir leita nú logandi ljósi að tungukunnáttumönnum til þess að leggja hreyfingunni lið.
Ástæðan er sú að Icesave samningurinn verður að öllum líkindum afgreiddur á næstu dögum. Hver sem niðurstaðan kann að vera þá telur Ólafur það nauðsynlegt að Íslendingar leiðréttir fjölmargar misfærslur sem hafa orðið í almennri umræðu erlendis um málefni Íslendinga og Icesave.
„Við þurfum að leiðrétta rangfærslur sem erlendir aðilar hafa um stöðu íslands og icesave-málið," segir Ólafur en hann tekur sem dæmi að margir Þjóðverjar telji að Landsbankinn hafi verið í ríkiseigu þegar hann féll í haust.
Ólafur segir að til að málstaður Íslands nái hljómgrunni erlendis sé nauðsynlegt að íslendingar leggist á eitt.
il að málstaður Íslands nái hljómgrunni erlendis sé nauðsynlegt að íslendingar leggist á eitt.„InDefence hópurinn mun á komandi vikum vinna ötullega að þessu verkefni og óskar eftir liðssinni Íslendinga sem telja sig hafa tengsl eða þekkingu sem mögulega gætu nýst við kynningu á málstað Íslendinga erlendis. Meðal annars er leitað að fólki sem hefur tengsl við erlenda fjölmiðla," segir í tilkynningu frá samtökunum.
Samtökin leita að fólki sem hefur þekkingu á þýsku, spænsku, hollensku. Annað evrópskt tungumál er einnig gott að mati samtakanna.
Fyrir áhugasama þá má nálgast samtökin í gegnum þetta póstfang. info@indefence.is.
