Segir það neyðarlegt að Davíð ætli að sitja áfram

Lars Christensen forstöðumaður greiningardeildar Danske Bank segir það „neyðarlegt" að Davíð Oddsson seðlabankastjóri skuli neita að láta af starfi sínu.

Þetta kemur fram í umfjöllun Bloomberg fréttaveitunnar um málið. „Það er augljóst að ríkisstjórnin á ekki að blanda sér í það hvernig Seðlabankanum er stjórnað," segir Christensen. „En í ljósi þeirra mistaka sem gerð hafa verið ætti stjórn bankans þegar að hafa sagt af sér."

Aðspurður um eftirmann Davíðs segir Christensen að Már Guðmundsson sé einn besti hagfræðingur sem Íslendingar eigi. „Hann hefur öflugt alþjóðlegt tengslanet og gæti verið leiðandi í hraðfara endurreisn íslenska hagkerfisins."

Thomas Haugaard hagfræðingur Svenska Handelsbanken í Kaupmannahöfn segir að það sér skynsamlegt að hreinsa til í kerfinu.