Króatar og Frakkar leika til úrslita á HM

Það verða heimamenn Króatar og Frakkar sem leika til úrslita á HM í handbolta á sunnudaginn. Þetta varð ljóst í kvöld eftir að Króatar lögðu Pólverja örugglega 29-23 í undanúrslitum.

Jafnræði var með liðunum framan af leik og höfðu heimamenn yfir 14-13 en í síðari hálfleik reyndust Króatarnir sterkari og tryggðu sér úrslitaleik við ógnarsterkt lið Frakka sem vann auðveldan sigur á Dönum í hinum undanúrslitaleiknum í dag.

Ivan Cupic átti stórleik í króatíska liðinu og skoraði 12 mörk úr 13 skotum og nýtti öll 6 vítaköst sín. Næstur kom Petar Metlicic með 5 mörk og Domagoj Fuvnjak skoraði 4.

Mariusz Jurasik var markahæstur Pólverja með 6 mörk.

Pólverjar mæta Dönum í leik um bronsið á sunnudaginn.