Mikilvægur sigur Rhein-Neckar Löwen

Rhein-Neckar Löwen vann í gær mikilvægan sigur á Balingen á útivelli, 24-21, í þýsku úrvalsdeildinni í handbolta. Liðið hafði tapað síðustu tveimur leikjum sínum í deildinni fyrir leikinn í gærkvöldi.

Ólafur Stefánsson og Snorri Steinn Guðjónsson skoruðu tvö mörk hvor fyrir Rhein-Neckar Löwen í leiknum og Guðjón Valur Sigurðsson eitt.

Þá vann Flensburg sigur á Düsseldorf í Íslendingaslag, 26-24. Alexander Petersson skoraði eitt mark fyrir Flensburg og Sturla Ásgeirsson einnig eitt mark fyrir Düsseldorf.

Grosswallstadt vann Melsungen, 26-24, á heimavelli. Sverre Jakobsson skoraði ekki fyrir Grosswallstadt í leiknum.

Rhein-Neckar Löwen er í níunda sæti deildarinnar með fjögur stig eftir fjóra leiki. Flensburg er enn ósigrað og er með átta stig, rétt eins og Kiel, á toppi deildarinnar. Düsseldorf er í fimmtánda sætinu og Grosswallstadt því fimmta.