Enn óvissa um nýja skólann í Reykjavík

Menntaráð Reykjavíkur tekur umsókn Menntaskólans, um starfsemi nýs einkarekins grunnskóla í Heilsuverndarstöðinni í Reykjavík, fyrir á fundi sínum á miðvikudag. Grunnskólar í Reykjavík verða settir á mánudaginn.

Kjartan Magnússon, formaður menntaráðs, segist engu geta svarað um hvort líklegt sé að skólinn taki til starfa í haust. Ekki sé útséð með það enn. Edda Huld Sigurðardóttir, einn aðstandenda skólans, segir að skólinn geti tekið til starfa um leið og leyfi fæst. Staðan sé erfið fyrir foreldra sem vita ekki hvar börn þeirra hefji nám á næstunni.- kóp