Alfreð og Dagur mætast í bikarnum

Það verður hörkuspennandi Íslendingaslagur í 2. umferð þýsku bikarkeppninnar í kvöld. Meistararnir í Kiel drógust gegn Füchse Berlin en bæði þessi lið eru með íslenska þjálfara.

Alfreð Gíslason er þjálfari Kiel og Dagur Sigurðsson þjálfari Füchse Berlín. Leikurinn hefst klukkan 18.15 á íslenskum tíma. Aron Pálmarsson leikur með Kiel og Rúnar Kárason með Füchse Berlín.

Á sama tíma mætir annað Íslendingalið, Rhein-Neckar Löwen, B-deildarfélaginu Bittenfeld á útivelli.

Fjölmargir leikir í bikarkeppninni fara fram bæði í kvöld og annað kvöld.