Hrein staða við útlönd var neikvæð um 2.211 milljarða kr.

Hrein staða þjóðarbúsins við útlönd var neikvæð um 2.211 milljarða kr. í lok fyrsta ársfjórðungs og versnaði um 628 milljarða kr. á ársfjórðungnum.

Þetta kemur fram á vefsíðu Seðlabankans. Þessi þróun stafar einkum af veikingu gengis krónunnar, þ.e. hækkun á verði erlendra gjaldmiðla um 29,6% samkvæmt gengisskráningarvísitölu sem endurspeglast í samsvarandi hækkun stöðutalna um erlendar eignir og skuldir.

Einstakar myntir, t.a.m. evra hækkuðu þó talsvert meira eða um tæplega 33%. Erlendar eignir námu 7.758 milljarða kr. í lok ársfjórðungsins en skuldir 9.970 milljarða kr.