Eimskip uppfyllir ekki skilyrði lánardrottna

Eimskip uppfyllir ekki fjárhagskvaðir allra lánasamninga sinna eftir því sem fram kemur í afkomutilkynningu félagsins vegna lágs eiginfjárhlutfalls. Eigið fé félagsins er nú rétt rúmir 36 milljarðar sem gerir 14,4% eiginfjárhlutfall. Í afkomutilkynningunni segir að almennt sé kveðið á um hærra eiginfjárhlutfall en það í lánasamningum.

Í tilkynningunni er hins vegar tekið fram að Eimskip sé í skilum með allar sínar skuldbindingar og að stjórnendur Eimskips séu nú þegar í viðræðum við lánveitendur félagsins til að tryggja lausafjárstöðuna næstu sex mánuði.