Saga Capital tapaði 825 milljónum í fyrra

Rekstrartap Saga Capital vegna ársins 2007 nam 825 milljónum króna. Samkvæmt tilkynningu frá félaginu endurspeglar tapið annars vegar stofnkostnað, sem var að stærstum hluta gjaldfærður á árinu, og hins vegar erfið skilyrði á innlendum og erlendum mörkuðum.

Eignir Saga Capital Fjárfestingarbanka í árslok námu 38 milljörðum króna, eigið fé var 9,7 milljarðar og eiginfjárhlutfall á CAD-grunni 35,3%.

Samkvæmt tilkynningunni er Saga Capital með fjórðu stærstu markaðshlutdeildina í Kauphöll Íslands. Þá kemur fram að sótt hafi verið um viðskiptabankaleyfi til Fjármálaeftirlitsins.