Sigur hjá Róberti

Róbert Gunnarssons skoraði tvö mörk fyrir Gummersbach sem vann fimm marka sigur á Stralsunder, 35-30, í þýsku úrvalsdeildinni í gær.

Gummersbach er nú í áttunda sæti deildarinnar með tíu stig eftir átta leiki.

Düsseldorf gerði svo jafntefli við Bergischer í suðurriðli B-deildarinnar, 26-26, eftir að hafa verið fjórum mörkum yfir í hálfleik, 16-12.

Sturla Ásgeirsson skoraði þrjú mörk fyrir Düsseldorf sem er í efsta sæti riðilsins með níu stig en þetta var fyrsta stigið sem Sturla og félagar tapa í haust.

Bergischer er í öðru sæti, einnig með níu stig en eftir sex leiki. Düsseldorf hefur leikið fimm.