Hamleys opnar í Jórdaníu

Breski leikfangarisinn Hamleys, sem er í eigu Baugs Group og stýrt af Íslendingnum Guðjóni Karli Reynissyni, hefur opnað nýja glæsiverslun á Mecca Street í Amman, höfuðborg Jórdaníu.

"Mecca Street er frábær staður og við erum vissir um að jórdanskir viðskiptavinir okkar muni elska hinn töfrandi og spennandi heim Hamleys sem býður upp á það besta úr fortíð, nútíð og framtíð fyrir börn á öllum aldri," segir Guðjón Karl í samtali við Retail Week.

Hamleys mun í ágúst opna aðra risaverslun í Dubai sem verður enn stærri en verslunin í Amman.