Geir Haarde telur að Ísland komist hjá niðursveiflu

Geir Haarde forsætisráðherra telur að Íslandi muni komast hjá þeirri niðursveiflu í efnahagslífinu sem spár bæði fjármálaráðuneytisins og Seðlabankans gera ráð fyrir.

Þetta kemur fram í viðtali við Geir á fréttaveitunni Bloomberg í morgun en Geir er nú staddur á leiðtogafundi Eystrasaltsríkja í Riga í Lettlandi. "Ég er ekki viss um að við munum í raun upplifa neikvæðar tölur hvað viðgang efnahagsins varðar," segir Geir. "Það er eitt af markmiðum stjórnarinnar að tryggja að kreppuástand myndist ekki."

Í viðtalinu við Geir kemur meðal annars fram að hann telji að gengi krónunnar muni styrkjast á ný í stað þess að veikjast áfram.

Hann gerir íslensku bankana einnig að umtalsefni og segir að stærð þeirra sé áreiðanlega nokkuð sem taka þurfi tillit til. "Og bankarnir verða að skoða það mál sjálfir," segir Geir.