Búist við átakafundi hjá FL Group

Aðalfundur FL Group verður haldinn á þriðjudag. Búist er við því að hluthafar muni sauma að stjórnendum félagsins vegna mikils taps og gríðarlegs rekstrarkostnaðar.

FL Group tapaði rúmum 60 milljörðum á síðasta ári vegna afleits gengis lykilfjárfestinga á borð við AMR og þýska bankans Commerzbank sem og Gltinis. Meiri gagnrýni hefur þó verið á himinháan rekstrarkostnað félagsins sem var rúmir 6 milljarðar á síðasta ári. Heimildir Vísis herma að smærri hluthafar muni krefjast þess að fá skýr svör og sundurliðaðan rekstrarkostnað sem og svör um hvernig félagið hyggist draga úr þessum kostnaði.