Sparisjóður Mýrasýslu tapaði tæpum fimm milljörðum á fyrri árshelmingi

Tap Sparisjóðs Mýrasýslu á fyrstu 6 mánuðum ársins nam 4.628 milljónir króna eftir skatta. Eigið fé samkvæmt efnahagsreikningi var um 1,5 milljarður króna samanborið við 6,3 milljarða króna í árslok 2007. Eiginfjárhlutfall samtæðunnar samkvæmt CAD-reglum var -0,5%. Þetta kemur fram í tilkynningu sem sparisjóðurinn sendi Kauphöllinni.

Þar segir að í ársbyrjun 2008 hafi dótturfélagið Sparisjóður Siglufjarðar og Sparisjóður Skagafjarðar sameinast og sé sameinaður sparisjóður hluti af samstæðureikningi. Þá er Reykjavík Capital hf. hluti af samstæðureikningi sparisjóðsins í kjölfar samþykkis Fjármálaeftirlitsins á kaupum Sparisjóðs Mýrasýslu á félaginu.