Hlakkar til aukinnar samkeppni

Halldór Óskar Sigurðsson, framkvæmdastjóri Bauhaus á Íslandi, er spenntur fyrir aukinni samkeppni þegar verslunin opnar hér á landi. Halldór var gestur Sindra Sindrasonar í viðskiptaþættinum Í lok dag.

"Ég held að rétta mómentið sé núna. Það er lægð á markaðnum en þá skapast líka tækifæri," segir Haldór í þættinum.

Spurður af hverju þeir keyptu ekki einfaldlega annan samkeppnisaðalinn út af markaðnum - Húsasmiðjuna eða Byko - sagði Halldór. "Það er ekki nauðsynlegt. Á þeim mörkuðum sem Bauhaus hefur komið inn á hafa verð lækkað og árangurinn verið góður. Við erum tilbúnir í samkeppnina."

Viðtalið við Halldór má sjá i heild sinni á myndskeiðinu hér fyrir ofan.