Kaupþing býður Svisslendingum betri innlánskjör en aðrir

Kaupþing er að opna dyrnar fyrir sparifjáreigendur í Sviss og býður þeim mun betri innlánskjör en aðrir bankar í landinu. Um er að ræða netbankaviðskipti svipað og Edge sem Kaupþing rekur nú í tíu löndum.

Fjallað er um málið á Bloomberg fréttaveitunni og þar segir að Kaupþing bjóði viðskiptavinum sínum í Sviss 4% vexti á innlán í svissneskum frönkum og 5% á innlán í evrum. Til samanburðar má nefna að svipaðir innlánsvextir hjá UBS og Credit Suisse eru 1%.

Rætt er við Magnús Guðmundsson forstöðumann Kaupþings í Luxemborg um málið. Magnús segir að þeir séu ekki að segja fólki að skipta um banka heldur að færa sparnað sinn til Kaupþings þar sem hærri innlánsvextir fáist fyrir það.

"Samkeppnisaðilar okkar munu hata okkur fyrir þetta," segir Magnús.