Guðmundur: Hefðum þurft frábæran leik

Guðmundur Guðmundsson landsliðsþjálfari sagði eftir leik Póllands og Íslands í dag að íslenska liðið hefði þurft frábæran leik á öllum sviðum handboltans til að leggja Pólverja á þeirra heimavelli í dag.

Pólland vann í dag Ísland með sex marka mun, 34-28, í undankeppni Ólympíuleikanna í handbolta. Pólland tryggði sér nánast öruggt sæti í Peking með sigrinum en Íslendingar verða að vinna Svía á morgun til að fara með þeim á Ólympíuleikana.

„Þetta hafðist ekki í dag, því miður," sagði Guðmundur í samtali við Rúv. „Það eru lykilmenn sem eiga helling inni og við vonum að þeir rísi upp fyrir leikinn á morgun."