Sigurður Ari með tíu mörk

Sigurður Ari Stefánsson skoraði tíu mörk fyrir Elverum sem gerði jafntefli, 30-30, við Runar í norsku úrvalsdeildinni í handbolta í gær.

Ingimundur Ingimundarson bætti við sex mörkum fyrir Elverum sem er í fimmta sæti deildarinnar með 23 stig en Runar er í öðru sæti með 26. Drammen er langefst á toppi deildarinnar með 34 stig.

Botnlið Kragerö tapaði sínum sautjánda leik af átján á tímabilinu í gær, í þetta sinn fyrir Haslum, 35-25, á heimvelli.

Magnús Ísak Ásbergsson skoraði tvö mörk fyrir Kragerö sem er með eitt stig í neðsta sæti deildarinnar.