Gera ráð fyrir veikri krónu

"Við gerum ráð fyrir veikri krónu fram eftir haustinu," sagði Jón Bjarki Bendtsson hjá greiningardeild Glitnis sem var gestur Ingimars Karls Helgasonar viðskiptaþættinum Í lok dags.

"Maður fagnar hverjum góðum degi sem kemur á mörkuðum. Menn tóku vel fréttum af sambankaláni Kaupþings og staðan á alþjóðlegum mörkuðum var góð," sagði Jón Bjarki.

Spurður hvernig horfurnar væru á gengi íslensku krónunnar sagði Jón:

"Við vorum að uppfæra okkar gengisspá og gerum ráð fyrir veikri krónu fram eftir haustinu. Dagur eins og í dag vissulega jákvæður og sýnir að þap þarf ekki mikið til að hún hækki. En á meðan gjaldeyrismarkaðir eru jafn bæklaðir og núna er og þó aðstæður þetta erfiðar á alþjóðlegum mörkuðum verður erfitt að fá styrkingu krónunnar."

Jón Bjarki gerir ráð fyrir því að alþjóðlega lánsfjárkreppan muni dragast á langinn. "Þegar henni linnir er það jákvætt fyrir krónuna. Menn orðnir langeygðir eftir aðgerðum ríkisstjórnarinnar að styrkja gjaldeyrisforðan en það er býsna dýrt fyrir ríkissjóð að taka dýrt erlent lán eins og sakir standa."

Hægt er að horfa á viðtalið við Jón Bjarka í heild sinni hér fyrir ofan.