Nýr framkvæmdastjóri Össurar í Ameríku

Mahesh Mansukhani hefur verið ráðinn til starfa sem framkvæmdastjóri Össurar í Ameríku. Mahesh tekur við af Eyþóri Bender sem mun starfa áfram sem ráðgjafi hjá félaginu.

Mahesh kemur frá ráðgjafafyrirtækinu AlixPartners og er með MBA gráðu frá Yale háskóla. Hann hefur yfir 12 ára reynslu í stjórnendastarfi, meðal annars stýrði hann dótturfélagi DuPont sem velti 1,1 milljarði Bandaríkjadala.

,,Ég vil þakka Eyþóri Bender fyrir hans mikilvæga framlag til velgengni félagsins." segir Jón Sigurðsson forstjóri Össurar í tilkynningu um ráðninguna. ,,Mahesh hefur víðtæka stjórnendareynslu og verður sterk viðbót í stjórnendahóp Össurar."