Krónan aðeins einu sinni styrkst svo mikið á einum degi

Krónan lauk keppni í dag við lokun markaða í góðum málum miðað við hremmingar síðustu daga. Gengisvísitalan lækkaði um nærri fjögur prósent í dag og styrktist gengið sem því nemur.

Segir í hálffimmfréttum Kaupþings að aðeins einu sinni áður hafi gengið styrkst meira á einum degi frá því að flotgengisstefnan var tekin upp í mars 2001.

Gengisvísitalan er núna í 161,53 stigum en þegar verst lét í vikunni fór hún vel yfir 170 stig. Evran kostar nú 125,68 krónur, dollarinn er á 80,68 krónur og danska krónan er á 16,85 krónur.