Auður Capital hefur fengið starfsleyfi

Auður Capital hefur fengið leyfi Fjármálaeftirlitsins sem verðbréfafyrirtæki. Félagið hefur þegar ráðið tólf manna teymi sem hefur viðamikla alþjóðlega reynslu af fjármálamörkuðum og rekstri.

Í tilkynningu frá Auði Capital segir að félagið bjóði fjárfestingatengda þjónustu á sviði eignastýringar, fyrirtækjaráðgjafar auk þess að stýra fagfjárfestasjóðum (e.Private Equity). „Auður leggur áherslu á óháða fjármálaráðgjöf, áhættumeðvitund og samfélagslega ábyrgð. Auður hefur gert samstarfssamninga við öll helstu fjármálafyrirtæki landsins sem og öflug alþjóðleg fjármálafyrirtæki og býður því mikið úrval fjárfestingakosta," segir í tilkynningu frá Auði.

Það er Halla Tómasdóttir sem er stjórnarformaður Auðar Capital.