Erlendir ferðmenn aldrei verslað meira

Erlendir ferðamenn hafa aldrei verslað jafn mikið og í júlímánuði síðastliðnum.

Endurgreiðslur Iceland Refund til erlendra ferðamanna jukust um 55 prósent frá sama mánuði í fyrra. Það jafngildir því að erlendir ferðamenn hafi verslað fyrir um 100 milljónum króna meira í júlí á þessu ári en í júlí í fyrra.

Jónas Hagan, framkvæmdstjóri Iceland Refund, segist ekki hafa séð viðlíka aukningu í verslun ferðamanna áður.

Hann telur að skýringuna sé að finna í veiku gengi krónunnar.

"Krónan gerir það að verkum að matur og gisting er orðin ódýrari. Og ferðamenn hafa því meira aflögu til þess að versla," segir Jónas.