Kínverjar lána Björgólfi Thor 80 milljarða í Póllandi

Þróunarbanki Kína hefur lánað pólska fjarskiptafyrirtækinu Play, sem á Novator, félag Björgólfs Thors Björgólfssonar 75% hlut í, um 80 milljarða íslenskra króna til að standa straum af frekari uppbyggingu fyrirtækisins í Póllandi.

Play var sett á laggirnar fyrir sextán mánuðum. Fyrirtækið hefur á þeim tíma nælt sér í 1,4 milljónir viðskiptavina og er fjórða stærsta fjarskiðtafyrirtæki Póllands.

Björgólfur Thor segir í samtali við Financial Times að hann vonist eftir því að geta unnið með Kínverska þróunarbankanum að fleiri verkefnum á komandi misserum í Evrópu.