Times fjallar um sölu Baugs á Booker Group

Breska blaðið The Times fjallar um sölu Baugs og Fons á heildsölukeðjunni Booker Group. Um var að ræða rúmlega 31% hlut sem seldur var á yfir 100 milljónir punda.

Vísir hefur heimildir fyrir því að söluhagnaður Baugs og Fons hafi numið um 14 milljörðum króna. Í Times segir að salan hafa aukið á ný við vangaveltur í Bretlandi um að fjárhagsstaða Baugs væri slæm. Þessu neitar Gunnar Sigurðsson forstjóri Baugs í Bretlandi í samtali við blaðið og segir að salan hafi verið í samræmi við stefnu þeirra um að einbeita sér að kjarnastarfsemi sinni. Booker Group hafi verið félag í heildsölu sem falli ekki að stefnunni en Baugur ætli að einbeita sér að smásölufyrirtækjum sínum.