Nýr forstjóri hjá Egilssyni hf.

Kjartan Örn Sigurðsson hefur verið ráðinn nýr forstjóri Egilssonar hf., sem rekur meðal annars Office 1 búðirnar. Hann tekur við af Agli Þór Sigurðssyni sem gegnt hefur starfi forstjóra frá árinu 1978 en verður nú stjórnarformaður fyritækisins.

Í tilkynningu frá Egilssyni kemur fram að starfsemi fyrirtækisins megi rekja aftur til ársins 1939 þegar Sigurður H. Egilsson hóf innflutning á Parker-pennum en árið 1978 stofnuðu þeir feðgar Sigurður og Egill Þór, Egilsson hf.

Fyrirtækið hefur frá upphafi rekið heildsölu á skrifstofuvöru og skólamarkaði en auk þess verslar fyrirtækið með gjafavöru og fleira. Hjá því starfa rúmlega 80 starfsmenn í dag. Félagið tók við rekstri verslana Office1 á Íslandi fyrir um þemur árum en þær eru alls átta talsins.