Ungabarn tekið upp í skuld

Serbneskur spítali hefur neitað að af henda móður nýfætt barn sitt þar til hún hefur greitt fyrir sjúkrahúsvistina.

Senija Roganovic frá Macedóníu fæddi barn sitt á Neonatology sjúkrahúsinu í Belgrad fyrir tveimur mánuðum.

Barninu hefur verið haldið á spítalanum síðan, þar sem konan hefur ekki greitt 600 þúsund króna reikning fyrir tíu daga dvöl sína og barnsins á spítalanum.

Roganovic segist ekki vera sjúkratryggð í Serbíu, og að hún hafi enga möguleika á að vinna sér inn fyrir skuldinni.

Fréttastofa Ananova greinir frá því að konan sé nú orðin veik af áhyggjum vegna örlaga barnsins síns og að hún hafi misst 14 kíló.