Árshækkun vísitölu launakostnaðar er 5,4 - 7,9%

Árshækkun vísitölu heildarlaunakostnaðar frá þriðja ársfjórðungi 2006 var á bilinu 5,4% - 7,9%, mest í iðnaði en minnst í samgöngum og flutningum.

Í tilkynningu frá Hagstofunni segir að frá fyrri ársfjórðungi 2007 hækkaði vísitala heildarlaunakostnaðar um 0,4% í iðnaði. Á sama tímabili lækkaði vísitalan í byggingarstarfsemi og mannvirkjagerð um 1,9%. Í samgöngum og flutningum og verslun og ýmissi viðgerðarþjónustu lækkaði vísitalan um 0,7%.

Frá fyrri ársfjórðungi hækkaði vísitala heildarlaunakostnaðar án óreglulegra greiðslna um 1,5% í iðnaði og 0,6% í samgöngum og flutningum . Þá lækkaði vísitalan um 1,3% í byggingarstarfsemi og mannvirkjagerð og 0,2% í verslun og ýmissi viðgerðarþjónustu.