Ölgerðin kaupir Sól

Ölgerð Egils Skallagrímssonar hefur keypt ávaxtasafaframleiðandann Sól sem er aðeins þriggja ára gamalt fyrirtæki. Eftir því sem fram kemur í tilkyninngu ætla eigendur Sólar framvegis að einbeita sér að rekstri Emmessíss sem þeir keyptu í sumar.

Allir starfsmenn Sólar munu starfa áfram hjá Agli Skallagrímssyni og framleiðslan verður fyrst um sinn á sama stað, að Lynghálsi í Reykjavík. Haft er eftir Snorra Sigurðssyni, eins af eigendum Sólar, að tilboð Ölgerðarinnar hafi verið of gott til þess að hafna því. Kaupverðið er hins vegar ekki gefið upp.