FCK tapaði heima

Þrír leikir fóru fram í dönsku úrvalsdeildinni í handbolta í kvöld. FCK tapaði heima fyrir Fredericia í Íslendingaslagnum þar sem Gísli Kristjánsson skoraði 4 mörk fyrir gestina og þeir Fannar Þorbjörnsson og Hannes Jón Jónsson eitt hvor. Arnór Atlason var ekki með FCK vegna meiðsla.

Sturla Ásgeirsson skoraði 2 mörk fyrir lið sitt Arhus sem lagði Viborg 34-27 á útivelli og þá vann Silkeborg sigur á Kolding 38-33.

FCK er enn á toppnum þrátt fyrir fyrsta tap sitt í deildinni og hefur 17 stig. Silkeborg er í öðru með 15 stig og Arhus, Holstebro og Kolding hafa hlotið 12 stig.