Óskar Bjarni: Getum byggt á þessu

Óskar Bjarni Óskarsson og Ólafur Haukur Gíslason voru ánægðir með síðari hálfleik í leik Vals og Gummersbach í kvöld.

„Ég var mjög ánægður með síðustu 40 mínúturnar í leiknum,“ sagði Óskar Bjarni, þjálfari Vals. „Við getum vel byggt á þessum og við verðum alltaf betri með hverjum leiknum.“

Ólafur Haukur, fyrirliði, tók í svipaðan streng.

„Það var frábært að mæta Gummersbach en í byrjun bárum við of mikla virðingu fyrir þeim. Eftir að við náðum að hrista af okkur mesta skrekkinn spiluðum við betur og skoruðum nokkur mjög góð mörk.“