Momir Ilic: Spila á Íslandi á hverju ári

Momir Ilic, serbneska skyttan í liði Gummersbach, sagðist vera orðinn vel vanur því að spila á Íslandi.

„Ég spila á Íslandi á hverju ári, hvort sem það er með landsliði eða félagsliði, og líkar það vel. Það var eins í kvöld," sagði Ilic eftir leikinn í kvöld. Gummersbach vann þá Íslandsmeistara Val í Vodafone-höllinni, 33-24.

„Þetta var ekkert mjög erfiður leikur," sagði Ilic en bætti við. „Valur er með ungt og efnilegt lið. En við erum í sterkum riðli og þurfum því að skora mikið í hverjum einasta leik. Það gæti reynst dýrmætt á endanum."