Gummersbach færist nær toppsætinu

Íslendingaliðið Gummersbach sigraði Wetzlar, 34-27, í þýska handboltanum í kvöld og er komið með 38 stig í úrvalsdeildinni - jafnmörg og meistarar Kiel sem þó halda toppsætinu á markamun. Íslendingarnir í liði Gummersbach létu fara óvenju lítið fyrir sér í kvöld.

Guðjón Valur Sigurðsson skoraði ekki nema eitt mark, sem verður að teljast afar óvenjulegt á þeim bænum. Róbert Gunnarsson skoraði fjögur mörk en Sverre Jakobsson ekkert, enda lék hann nánast eingöngu í varnarleiknum.

Gummersbach, Kiel og Hamburg eru öll með 38 stig í efsta sæti deildarinnar, en Kiel á leik til góða.

Tveir aðrir leikir voru á dagskrá í kvöld; Hamburg sigraði Hildesheim, 41-29, og Magdeburg vann Göppingen, 29-26.