Kynjuð vísindi, leikskólaráð á villigötum, klámsýki, svipmyndir frá Norður-Kóreu 7. mars 2007 18:05 Sóley Tómasdóttir var frábær í þætti hjá mér um daginn. En ég verð að viðurkenna að ég er ekki alltaf sammála henni. Um daginn skrifaði hún á vef sinn og var heldur óhress yfir úthlutun styrkja úr Nýsköpunarsjóði. Fannst greinilega að alltof margir styrkir færu til karla. Var á Sóleyju að skilja að kynjasjónarmið þyrftu að vera "samþætt" styrkveitingunum. Nú er það þannig að vísindin gefa sig út fyrir að vera hlutlaus. Í einföldustu mynd ganga þau út á að setja fram tilgátur og sanna eða afsanna með rannsóknum. Ekki hafa þó allir sætt sig við þetta. Trofim Lýsenkó var uppáhaldsvísindamaður Stalíns. Hann setti fram kenningar í erfðafræði sem ollu ómældum skaða í sovéskum landbúnaði en samræmdust marxískri rétthugsun um áhrif umhverfisþátta. Og nú spyr maður hvort til sé eitthvað sem heiti kynjuð vísindi? Er það hægt? Ég er allavega hræddur um að seint verði stofnað til Nóbelsverðlauna í kynjafræði, enda geta þau tæplega talist vísindi heldur fremur hálf-akademískur klúbbur sem hópur fólks stofnar um lífsskoðanir sínar. Svona ekki ósvipað díalektískri efnishyggju sem haldið var fram að væru vísindi hér í eina tíð. --- --- --- Skólinn á að fræða börnin en það eru foreldrarnir sem eru uppalendurnir. Þetta vill stundum gleymast. Í dag las ég um samþykkt leikskólaráðs Reykjavíkurborgar sem hefur ákveðið að dreifa fræðsluefni um kynferðlslegt ofbeldi gegn börnum í leikskólana. Er hvatt til þess að sérstaklega sé fjallað um þessi mál í leikskólunum. Ég skil ekki betur á fréttinni en að sú fræðsla eigi að beinast að börnunum. Er ég nokkuð einn um að þykja þetta fáránleg hugmynd - að þarna sé skólakerfið að fara út fyrir verksvið sitt? Með þessum hætti veit ég ekkert um hver er að tala um svona viðkvæm mál við barnið mitt eða hvernig. Innan leikskólanna starfar náttúrlega misjafnt fólk eins og annars staðar - sumt af því er ungt lítt menntað fólk, varla komið af unglingsaldri. Það er raunveruleg hætta að þetta rugli huga barna á aldri þegar ímyndunaraflið er mjög virkt og ómótað. Þetta er ábyggilega vel meint. En misskilningur er það. Þessi hlið uppeldisins á að vera í höndum foreldranna og við verðum að treysta þeim fyrir þessu fremur en ríkinu, stofnunum eða skólanum. Þetta eru alltof erfið mál til að þau eigi vera í verkahring áhugafólks - dilettanta - úti í bæ. --- --- --- Ég segi nú bara eins og Kristmann Guðmundsson þegar hann þurfti að verja þýðingu sína á Elskhuga lafði Chatterley: "Þeir sem sjá eitthvað dónalegt við þetta eru dónar sjálfir." Margur heldur mig sig. Svona í tilefni af þessari bloggfærslu. Það er nákvæmlega ekkert klámfengið við umrædda mynd. Hún er bara pínu hallærisleg. Aðallega vorkennir maður stúlkunni að vera í svona kerlingarlegum skóm. Gefur allavega ekki tilefni til þessara orða: "Hún er tilbúin til þess að láta taka sig aftan frá. Með munninn opinn býður hún lesendum af karlkyni að setja skaufa sína upp í sig." --- --- --- Ég veit að það er ljótt að hlæja að Norður-Kóreu. Lífið í því landi er auðvitað dauðans alvara. Samt er eitthvað óumræðanlega fyndið við Kim Jong-il og slekti hans. Allt sem kemur frá þessum stað er svo annarlegt. Hér er eitt myndband frá Norður-Kóreu og hér er annað. Bæði fjalla þau um hinn stórkostlega leiðtoga þjóðarinnar. Viltu birta grein á Vísi? Sendu okkur póst. Senda grein Pistlar Silfur Egils Skoðanir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Áttu efnaða foreldra eða ekki? Thelma Lind Jóhannsdóttir Skoðun Konur sem eiga ekki að eignast börn Diljá Mist Einarsdóttir Skoðun Kennarar – á hraðbraut í kulnun Rakel Linda Kristjánsdóttir Skoðun Stuðningur úr óvæntri átt Hjörtur J. Guðmundsson Skoðun Meiri pening, takk Gunnar Úlfarsson Skoðun Af hverju eru kaupin á TM ekki á dagskrá aðalfundar Landsbankans? Ásthildur Lóa Þórsdóttir Skoðun Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun Er of mikill hiti í hleðslunni hjá þér? Ágúst Mogensen Skoðun Bændur eru líka neytendur Eyjólfur Ingvi Bjarnason Skoðun Hlutabréfafjárfesting er langtímafjárfesting Davíð Björnsson Skoðun
Sóley Tómasdóttir var frábær í þætti hjá mér um daginn. En ég verð að viðurkenna að ég er ekki alltaf sammála henni. Um daginn skrifaði hún á vef sinn og var heldur óhress yfir úthlutun styrkja úr Nýsköpunarsjóði. Fannst greinilega að alltof margir styrkir færu til karla. Var á Sóleyju að skilja að kynjasjónarmið þyrftu að vera "samþætt" styrkveitingunum. Nú er það þannig að vísindin gefa sig út fyrir að vera hlutlaus. Í einföldustu mynd ganga þau út á að setja fram tilgátur og sanna eða afsanna með rannsóknum. Ekki hafa þó allir sætt sig við þetta. Trofim Lýsenkó var uppáhaldsvísindamaður Stalíns. Hann setti fram kenningar í erfðafræði sem ollu ómældum skaða í sovéskum landbúnaði en samræmdust marxískri rétthugsun um áhrif umhverfisþátta. Og nú spyr maður hvort til sé eitthvað sem heiti kynjuð vísindi? Er það hægt? Ég er allavega hræddur um að seint verði stofnað til Nóbelsverðlauna í kynjafræði, enda geta þau tæplega talist vísindi heldur fremur hálf-akademískur klúbbur sem hópur fólks stofnar um lífsskoðanir sínar. Svona ekki ósvipað díalektískri efnishyggju sem haldið var fram að væru vísindi hér í eina tíð. --- --- --- Skólinn á að fræða börnin en það eru foreldrarnir sem eru uppalendurnir. Þetta vill stundum gleymast. Í dag las ég um samþykkt leikskólaráðs Reykjavíkurborgar sem hefur ákveðið að dreifa fræðsluefni um kynferðlslegt ofbeldi gegn börnum í leikskólana. Er hvatt til þess að sérstaklega sé fjallað um þessi mál í leikskólunum. Ég skil ekki betur á fréttinni en að sú fræðsla eigi að beinast að börnunum. Er ég nokkuð einn um að þykja þetta fáránleg hugmynd - að þarna sé skólakerfið að fara út fyrir verksvið sitt? Með þessum hætti veit ég ekkert um hver er að tala um svona viðkvæm mál við barnið mitt eða hvernig. Innan leikskólanna starfar náttúrlega misjafnt fólk eins og annars staðar - sumt af því er ungt lítt menntað fólk, varla komið af unglingsaldri. Það er raunveruleg hætta að þetta rugli huga barna á aldri þegar ímyndunaraflið er mjög virkt og ómótað. Þetta er ábyggilega vel meint. En misskilningur er það. Þessi hlið uppeldisins á að vera í höndum foreldranna og við verðum að treysta þeim fyrir þessu fremur en ríkinu, stofnunum eða skólanum. Þetta eru alltof erfið mál til að þau eigi vera í verkahring áhugafólks - dilettanta - úti í bæ. --- --- --- Ég segi nú bara eins og Kristmann Guðmundsson þegar hann þurfti að verja þýðingu sína á Elskhuga lafði Chatterley: "Þeir sem sjá eitthvað dónalegt við þetta eru dónar sjálfir." Margur heldur mig sig. Svona í tilefni af þessari bloggfærslu. Það er nákvæmlega ekkert klámfengið við umrædda mynd. Hún er bara pínu hallærisleg. Aðallega vorkennir maður stúlkunni að vera í svona kerlingarlegum skóm. Gefur allavega ekki tilefni til þessara orða: "Hún er tilbúin til þess að láta taka sig aftan frá. Með munninn opinn býður hún lesendum af karlkyni að setja skaufa sína upp í sig." --- --- --- Ég veit að það er ljótt að hlæja að Norður-Kóreu. Lífið í því landi er auðvitað dauðans alvara. Samt er eitthvað óumræðanlega fyndið við Kim Jong-il og slekti hans. Allt sem kemur frá þessum stað er svo annarlegt. Hér er eitt myndband frá Norður-Kóreu og hér er annað. Bæði fjalla þau um hinn stórkostlega leiðtoga þjóðarinnar.
Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun
Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson Skoðun