Dallas öruggt í úrslitakeppnina

Dallas Mavericks varð í nótt fyrsta liðið í NBA deildinni til að tryggja sér sæti í úrslitakeppninni þó enn sé langt eftir af deildarkeppninni. Dallas bætti enn félagsmet sitt og vann 16. leikinn í röð og 22. heimaleikinn í röð þegar liðið skellti New Jersey 102-89. Jason Terry skoraði 24 stig fyrir Dallas en Vince Carter 32 fyrir New Jersey.

San Antonio er einnig á fínni rispu og í nótt vann liðið 99-94 sigur á Portland á útivelli þar sem fimm þriggja stiga körfur gestanna á lokasprettinum tryggðu sigurinn. Tim Duncan skoraði 24 stig fyrir San Antonio en Brandon Roy var með 19 stig og 9 stoðsendingar fyrir Portland.

Minnesota skellti LA Lakers í tvíframlengdum leik 117-107. Kobe Bryant skoraði 40 stig, hirti 13 fráköst og gaf 8 stoðsendingar fyrir Lakers en Ricky Davis skoraði 33 stig, hirti 10 fráköst og gaf 8 stoðsendingar fyrir Minnesota.

Washington lagði Toronto í beinni á NBA TV 129-109. Gilbert Arenas skoraði 25 stig fyrir Washington en Chris Bosh 25 fyrir Toronto.

New York tapaði heima fyrir Seattle 100-99 þar sem Stephon Marbury misnotaði víti sem hefði jafnað leikinn í blálokin. Marbury hefur verið sjóðandi heitur í síðustu leikjum og skoraði hann 40 stig í leiknum. Ray Allen skoraði 32 stig fyrir Seattle.

Denver lagði New Orleans á heimavelli 106-91. Allen Iverson skoraði 25 stig fyrir Denver en Tyson Chandler skoraði 15 stig og hirti 18 fráköst fyrir New Orleans.

Loks vann Sacramento sigur á Indiana heima 102-98. Kevin Martin skoraði 27 stig fyrir Sacramento en Mike Dunleavy skoraði 24 stig fyrir Indiana, sem er nú komið niður fyrir 50% vinningshlutfallið.

Staðan í deildinni:

Austurdeildin:



ATLANTIC

1. TOR 32-29

2. NJN 28-33

3. NYK 28-34

4. PHI 22-38

5. BOS 17-42

CENTRAL

1. DET 37-21

2. CLE 35-25

3. CHI 35-27

4. IND 29-30

5. MIL 22-39

SOUTHEAST

1. WAS 34-25

2. MIA 30-29

3. ORL 29-33

4. CHA 22-39

5. ATL 22-39

Vesturdeildin:

SOUTHWEST

1. DAL 51-9

2. SAS 43-18

3. HOU 36-24

4. NOR 28-33

5. MEM 15-46

NORTHWEST

1. UTH 41-19

2. DEN 29-29

3. MIN 27-33

4. SEA 25-35

5. POR 25-36

PACIFIC

1. PHO 46-14

2. LAL 33-28

3. LAC 29-31

4. SAC 28-32

5. GSW 27-35