Drífðu þig inn í eldhús kona

Cedric Maxwell, fyrrum leikmaður og núverandi útvarpslýsandi hjá Boston Celtics var látinn biðjast afsökunar opinberlega í gærkvöldi eftir karlrembuleg ummæli sín í garð kvendómara í deildinni á mánudagskvöldið.

Violet Palmer er ein af nokkrum konum sem dæma í NBA deildinni og var Maxvell mjög ósáttur við störf hennar. "Drífðu þig aftur inn í eldhús kona," þrumaði Maxwell í útvarpinu - og eftir langa og vandræðalega þögn bætti hann við - "Og steiktu handa mér egg og beikon"!

Ummæli Maxwell vöktu skiljanlega litla hrifningu og var hann skikkaður til að biðjast afsökunar kvöldið eftir. Þetta er ekki í fyrsta sinn sem umsjónarmenn útvarpssviðs Entercom í Boston hafa þurft að hafa afskipti af útvarpsmönnum, því í nóvember síðastliðnum var spjallþáttastjórnandi rekinn fyrir að kalla stjórnmálaframbjóðanda "feita lesbíu" í beinni útsendingu.