Margrét ætlar að kæra framkvæmd kosninga

Margrét Sverrisdóttir ætlar sér að kæra framkvæmd varaformannskosninga í Frjálslynda flokknum. Þetta kom fram í hádegisfréttum Ríkisútvarpsins. Þar sagði hún enn fremur að það væri ekki spurning um hvort heldur hvar og hvernig hún legði fram kæruna.

Margrét sagði líka að hún vissi til þess að stuðningsmenn Magnúsar hafi greitt flokksgjöld fyrir nýliða í flokkinn í stórum stíl. Á fundinum fékk fólk að skrá sig þangað til rétt fyrir kosningar. Eftir að fyrstu úrslit voru birt kom í ljós að kjörkassi hafði týnst og voru því birt önnur úrslit stuttu síðar.