Arenas og Bryant leikmenn mánaðarins í NBA

Gilbert Arenas hjá Washington Wizards og Kobe Bryant hjá LA Lakers voru í kvöld útnefndir leikmenn desembermánaðar í NBA deildinni í körfubolta, Arenas í Austurdeildinni og Bryant í Vesturdeildinni.

Arenas skoraði að meðaltali rúm 34 stig í leik í desember, þar af 60 stig í leik gegn LA Lakers í Los Angeles þann 17. desember í leik sem síðar var sýndur á sjónvarpsstöðinni Sýn.

Bryant skoraði að meðaltali 30,6 stig í desember þar sem hann var lykilmaður Lakers sem vann 10 leiki og tapaði 6 þó liðið væri án Lamar Odom lengst af. Bryant skoraði m.a. 58 stig í tapi Lakers gegn Charlotte um síðustu helgi.