Öruggur sigur hjá Gummersbach

Íslendingaliðið Gummersbach komst upp að hlið Flensburg og Kiel á toppi þýsku úrvalsdeildarinnar í handbolta eftir öruggan sigur á Wilhelmshavener í kvöld, 39-26. Liðin þrjú hafa öll hlotið 31 stig en Gummersbach hefur leikið einum leik fleiri, eða alls 19 talsins.

Guðjón Valur Sigurðsson var markahæstur hjá Gummersbach með sjö mörk en Róbert Gunnarsson skoraði sex. Sverre Jakobsson stóð sig að venju með prýði í varnarleiknum og á hliðarlínunni lét Alfreð Gíslason fara mikið fyrir sér og baðaði út höndunum, rétt eins og Íslendingar fengju að kynnast í leikjum íslenska landsliðsins á HM í Þýskalandi.

Gylfi Gylfason skoraði tvö mörk fyrir Wilhelmshavener sem er í 11. sæti deildarinnar eftir tapið.